Bazatoz antzerkira?

Kultura sailak berbalagun taldeetako bi lagun gonbidatuko ditu antzerkira joateko datorren astean, maiatzaren 8an, gaueko bederatzietan Nestor Basterretxea aretoan, Pankreas antzezlanaz gozatzeko.

Egilea: Patxo Telleria. Zuzendaria: Jokin Oregi Aktoreak: Mikel Martinez, Patxo Telleria eta Joseba Apaolaza

Sinopsia: Hiru lagun. Lehenak pankreas transplante baten premia larria dauka. Bigarrenak suizidatzeko asmoa dauka hemendik urte betera, herentziazko Alzheimerrari ihesi egiteko. Hirugarrenak proposamen bat egingo dio bigarrenari: suizidioaren epea aurreratzea, lehenengoari bere pankrea emateko. Une hartatik aurrera ezusteko gertaerak bata bestearen ondoren etorriko dira, fisika modernoaren axioma bati men eginez: gertatu daitekeen guztia, sinestezina bada ere, gertatu egiten da.

Sarrerea: 6 €. Aurretiaz salgai  Gizarte eta Kultura etxean, orotarako kutxazainetan...

Eman izena zerrendan egoteko (607 609 580, Marimar) eta zerrendako lagun guztien artean zozketatuko ditugu sarrerak maiatzaren 7an, ostegunean, gurasolagun tailerraren amaieran, arratsaldeko 7:30ak inguru. Antzerkira ere euskaraz #lotsarikgabe.

Maiatzako agenda

Maiatzan ere plan ugari, ez ahaztu 25etik aurrera izena emateko epea hasten dela udako berbalagun taldean parte hartzeko.

Printzipioz talde bakarra izango da, izena emateko epea ekainaren 22an bukatuko da eta taldearen hasiera eguna uztailaren 1a izango da, arratsaldeko 20:30ean lameran.

Udako taldean izena emateko fitxa hau bete behar duzue (+) eta besterik ez, doan da eta taldea hastero elkartuko da. Informazio gehiagorako deitu edo idatzi telefono honetara:
607 609 580 (Marimar).

Hasi planak egiten #lotsarikgabe!

Gurasolagun: Familian euskaraz jolasteko tailerra

Datorren asteko ostegunean gurasolagun tailerra izango dugu gaztelekuan, arratsaldeko seietatik zazpi eta erdietara arte. Urtxintxako dinamizatzaile baten laguntzaz jolasak eta kantak ikasiko ditugu, oraingo honetan, eguraldiak laguntzen badu, kanpoan.

Izena eman (+) behar duzue guraso edo familiako helduek, eta seme-alabak 3 urtetik 10 urte bitartekoak; plaza kopurua mugatua da eta izena ematean ordena hartuko da kontutan. Honako hau hirugarren tailerra da, blog honetan aurkituko duzue aurreko tailerrei buruzko kronikak eta informazio gehiago nahi baduzue deitu  
607 609 580 (Marimar) telefonora edo mezu bat bidali bermeoberba@gmail.com helbidera.

Tailerra doan izango da baina izena eman eta gero ezin bazarete etorri, mesedez abisatu, beste guraso batzuk etortzeko zuen ordez. Amaitzeko, ez dago arazorik helduak ume barik etortzeko, familian ere euskaraz #lotsarikgabe.

Busturialdeko Hitzan irakurri...+

Sukaldaritza tailerraren kronika

Hilaren 24an Gizarte eta Kultura Etxeko sukaldean geratu ginen arratsaldeko bostetan bizkotxo gozoak egiteko. Lehenengo aurkezpen labur bat egin eta gero Itziar hasi zen lanean Nerea eta Haizearen laguntzaz, sukaldari txikien lanari esker askoz hobeto!

Bitartean, laguntzaile txikiegi Markel eta Haizea formal formal amaren alboan mahaitik begira; Silvia eta Bego paperean apuntatzen errezetaren detaile guztiak gero etxean berdin egiteko, Itziarrek sekretu batzuk azaldu zizkigun eta. Gutxi gutxika hurbildu ginen, argazkiak atera genituen hobeto gogoratzeko, eta labera.

 

Labean egon bitartean errezeta komentatu genuen, norberak etxean egiten duena, eta txikienak hasi ziren lehenengo bizkotxoak jaten. Guztiontzat egon zen zati bana, baita etxera eramateko ere. Famili argazkia atera genuen pozik eta probatzeko momentua heldu zen, gozo! Amaieran hurbildu zitzaizkigun lagun txikiak zati bat probatzeko eta haientzako ere egon zen, guk dena batu bitartean. Zortzietan bukatu genuen eta ez zegoenez etxera joateko gogo handirik, pintxopotean geratu ginen eguna ondo baino hobeto bukatzeko.

Agindutakoa bete behar dugu eta hona hemen egindako errezetak. Norberak paperean apuntatutakoa ez da agertzen errezetetan baina ez kezkatu, hurrengo tailerrean berriro egongo gara eta ziur gogoratuko dugula. Sukaldean ere euskaraz #lotsarikgabe.

Eskerrik asko Itziar, Nerea eta Haizea!

Udaberriko info eta lehiaketa

Apirilaren 20tik maiatzaren 14ra arte udaberriko lehiaketan har dezakezue parte, orria bete eta topa duzuen lekuan eman, edo bete zuzenean beheko galdetegitxoa eta ez ahaztu telefono zenbakia edota e-posta jartzen, erantzun guztien artean zozketatuko dugu maiatzaren 15ean saria: Odol mamituak liburua, idazleak berak berbalagunoi dedikatuta. Liburuaren nazioarteko eguna datorrenean ez dago sari hobeagorik, ezta? Zozketa arratsaldeko bost eta erdietan izango da lameran, etorri eta parte hartu #lotsarikgabe. 

Apirilekoak eta beste batzuk

Bada hilabete udaberrian gaudela eta oporretatik bueltan lotu barik jarraitzen dugu. Betiko moduan, apur bat euskahaldunagoak beharbada, ezta? Urepelera joan ginen Korrikari hasiera ematera, martxoaren 24an Bermeora heldu zen goiz goizetik eta eguna argitzearekin batera kaleak bete genituen, Bakion agurtu arte.

Ez zen behin-betiko agurra, 29an berbalagunon kilometroa egin genuen Bilbon gonbidapena aprobetxatuz eta iluntzera arte geratu ginen parrandan zazpi kaleetan, oporrak hasteko modu ezin hobean. Eskualdean Korrikari lotutako zeregin bakarra falta zen, eskulanean jositako oheko tapakia saridunari entregatzea.

Irabazlea 0297 zenbakiduna izan da, Marijose Uriarte, eta Bed´s dendan eman genion hilaren 14an, epea bukatzean. Azaroaren hasieran hasi ginen #lotsarikgabe josten eta apirilean eman diogu amaiera proiektuari, eskerrik asko guztioi!

Gehiago irakurri Busturialdeko Hitzan (+) eta ikusi Oizmendi telebistan (+), baita: Gernika-Lumoko berbalagunen blogean (+). Honen berri eman dute Korrikako (+) eta Bermeoko udaleko (+) web orrietan. Bestaldetik, oso interesgarria izan da Aizu! aldizkarian ezagutzea bidelari eta bidelagunen esperientziak, irakurri Praktikatu blogean (+).

***********

Aste honetan hasi da epea udaberriko lehiaketan parte hartzeko eta horrez gain zuek bidali dizkiguzue zuen proposamenak, guztion agendak osatzeko, kontutan hartzeko adibidez: udaberriko azokan umeentzako tailerrak, arrain azoka, erromeridxe ekainean, dantza ekitaldia, museoko tailerrak, ... oso ondo!

Amaitzeko, eskerrik asko hain balorazio ona egitearren talde eta egitasmoari buruz, otsailetik aurrera berbalagun egitasmoa baloratzeko aukera izan dugu eta ziur guztion artean hobetzen dugula, eskerrik asko zuen proposamenengatik. Badakizue balorazioa egitearekin batera zozketa baten parte hartu duzuela, nahi izan duzuenok, ba jakin berri dugu irabazlea nor izan den: Elkar dendetan erosteko 100 euroko bonoa izango da Zumaiako Anjel Heredia Salaberriarentzat, zorionak Anjel!