Sukaldaritza tailerra maiatzaren 14an

Hasi gara mendira, hondartzara, eguna pasatzera joaten, eta energia dosi berezia behar izaten dugu egunean zehar. Makilatxo energetikoak etxean egiten ikasi nahi?

Motxilan zuek egindakoak eramateko, etorri Gizarte eta Kultura Etxeko sukaldera, bigarren solairuan, maiatzaren 14an arratsaldeko seietan eta Mirenbek erakutsiko digu zelan lortu gozo-gozoak. Izena eman behar duzue maiatzaren 7a baino lehen eta hiru euroko botea jarriko dugu osagaiak erosteko. Etorri, #praktikatuetabizi.

Kirola eta Natura maiatzean: Aguake ur-jauzia

Kirola eta Natura egitasmoko hurrengo irteera Aguakera izango da maiatzaren 19an, ez galdu aukera, #praktikatuetabizi.


IZENA EMAN  (izena emateko azken eguna, maiatzak 9). 35€.

Irteeraren zehaztapenak:
 
Arroila erraz bezain ederra, ezin hobea mundu honetan lehen pausoa eman nahi dutenentzat.
Ur mailaren arabera denetarik eskaintzen digu arroila honek, rappelak, salto egiteko aukera, baita 8 metroko txirristara ere. 
 
Norentzat:

• Edonorentzat (gutxieneko adina, 10 urte).
• Igerian jakin beharra dago.

Distantzia: 4 km.

Iraupena: 3-4 ordu.

Udaberriko lehiaketa

Gaurtik maiatzaren 21era arte abian dago udaberriko lehiaketa, parte hartu eta jasotako erantzun guztien artean Errigorako bost litro oliba olioa zozketatuko dugu. Betiko moduan, eskuorritxoak aurkituko dituzue ohiko lekuetan eta on-line ere erantzun dezakezue, animatu, #praktikatuetabizi.

Asteburua euskaraz gurasolagunentzat

• Aurten ere, Urtxintxarekin 2 egonaldi antolatu ditugu Urduñako Tertanga etxean:
  • Lehenengo aukera: maiatzaren 9tik 10era 
    
  • Bigarren aukera: ekainaren 19tik 20ra
    
    
• Izena ematea:
  • Prezioak: Helduak 20 euro. Haurrak 10 euro.
  • Dinamizatzailearen bitartez eman behar duzue izena: guraso eta seme-alabena (607 609 580, Marimar).
  • KOPURUA MUGATUA DA
    
    
• Oharrak:
  • Desplazamendua norberaren kontua da.

Gurasolagun tailerra: magia familian, kronika.

Gaur arratsaldean elkartu dira gurasolagunak gaztelekuan magia egiteko familian eta Urtxintxako Itziarrek erakutsitako trukoak praktikatuz ordubete eta erdiko tailerra berez pasatu da, honen sekretua ere #praktkatuetabizi da, eskerrik asko Itziar eta ondo pasatzera etorri zareten guztioi!

Argazki gehiago...+

Zuen iritzia eman

Aste honetan zuen iritzia jaso nahi dugu: zuen asteroko taldeei buruz, antolatzen ditugun ekintzei buruz, eta orokorrean berbalagun egitasmoari buruz. Horretarako prestatu dugu inkesta labur bat, momentu batean betetzeko, on-line edo paperean. Ez bete mesedez bi aldiz, aukeratu bietako bat, eta laguntzarik behar baduzue, esaiozue taldeko bidelagunari. Erantzun guztiak anonimoak dira, amaieran zuen datuak idazteko aukera izango duzue baina datu horiek zozketarako baino ez dira izango. Zozketatuko dira bost opari eta opari bakoitzean egongo dira: kamiseta, motxila, boligrafoa, agenda eta pina. Animo eta eskerrik asko!

Neguko lehiaketaren saria

Pasa den ostegunean entregatu genion saria neguko lehiaketaren irabazleari, Rebeca Rizori. Guztiz eskertuta jaso zuen Errigorako oliba olioa, laster abiatuko dugu udaberriko lehiaketa eta sari bera izango da, animatu eta parte hartu maiatzaren 21era arte, #praktikatuetabizi.

Magia familian: gurasolagun tailerra

Datorren asteko astelehenean, hilaren 23an arratsaldeko seietan gaztelekuan, gurasolagunak elkartuko dira magia familian egiteko. Seme-alabekin batera arratsalde desberdina pasatzeko aukera izango dute eta magia egiteko jolas batzuk ikasiko dituzte Urtxintxako dinamizatzaileari esker.
Tailerra sei urtetik gorako umeentzat  (euren gurasoekin) aproposa da eta  aurretiz izena ematea ezinbestekoa da. Familian ere #praktikatuetabizi!

Apirileko taldeak

Apirilean sei talde elkartuko dira astero euskaraz praktikatzeko, euretariko bat euskal dantza erraz-errazak praktikatzeko bide batez. Beste proposamenik edo beste ordutegiren batean elkartzeko prest bazaudete, idatzi bermeoberba@gmail.com edo 607 609 580 telefonora berba egin, kontaktuan jartzeko. Parte hartu, #praktikatuetabizi.

Kirola eta Natura: orientazioa

Oinarrizko orientazio-arauak ezagutzeko aukera izango dugu hilaren 21ean Trapagaranen, apirilaren 18a baino lehen eman behar da izena.

Izena emateko klikatu hemen...+

Zehaztapenak:
10:00etan, Zugaztietako aparkalekuan geratuko gara.
Oinarrizko arauak emango dituzte orientazio-ibilbidea egiteko;  gero probak  jarriko dira.
Guztira, iraupena 2 ordukoa izango da
Norentzat:

• Edonorentzat
• Familientzako egokitua

Distantzia: 6 km (orientazioan)
Desnibela: 300 m
Beharrezkoak:

• Iparrorratza
• Ura eta mendiko botak

Hamaiketakoa: komeni da eramatea.

Animatu, #praktikatuetabizi.

Apirileko agenda

Hile honetan tranpa egin dugu, erdia joan zaigu konturatu barik, baina falta den erdia ondo aprobetxatzeko agenda doakizue, zalantzarik edo informaziorik behar baduzue deitu eta ez galdu aukera, #praktikatuetabizi.

Euskal dantza errazak praktikatzeko

Bihartik aurrera astero elkartuko da taldetxo bat euskal dantza erraz-errazak praktikatzeko. Astero hasiko dira zerotik, beraz, edozein astetan hasteko aukera dago maiatzaren 30era arte, asteazkenero, 19:00etatik 20:00etara Gizarte eta Kultura Etxeko 1.4 gelan, doan.

Bueltan berriro

Aste biko etenalditxoa eta gero hasi gara berriro martxan. Opor aurreko topaketan zozketatu genuen neguko lehiaketako saria, Errigorako olioa, eta sariduna da Rebeca Rizo, zorionak!
Errigorako olioa etzi helduko da euskaltegira, hilaren 11n iluntzeko zortzietatik aurrera pasa gaitezke jasotzera eta gogoratu momentuan ordaintzen dugula. Rebecari ostegunean entregatuko diogu, arratsaldeko zazpietan euskaltegi aurrean, animatu eta etorri!
97 erantzun jaso ditugu, eskerrik asko guztiei parte hartzearren! Hilaren 23tik aurrera udaberriko lehiaketa abiatuko dugu eta maiatzaren 21era arte zabalduko da erantzuteko aukera. Neguko lehiaketan honako hauek izan dira erantzun zuzenak:

1.- Lotu:

Itsaso guztiak igaro eta bazterrean ito, D.
Jaten duten santuekin ez dago fidatzerik, F.
Sua eta ura, belaunez behera, A.
Txapel dotorea eta buru hutsa, B.
Zenbat ate, hainbat maratila, G.
Urrutiko intxaurrak hamalau, gerturatu eta lau, C.
Arbola ustelean, egurra aise egiten, E.

2.- Bermeoko harresiaren zazpi ateetatik, zutik mantentzen den bakarra San Juan portale da.
3.- Akatz aldizkaria 2004an argitaratu zen azkenekoz.
4.- Zuen lekurik gogokoenak Bermeon portu zaharra eta inguruak izan dira, baita irabazlearena ere, herriko Tala.