2011/12/05

azaroko buletina

Lehiaketaren azken eguna azaroaren 28a izan da, 34 lagunek erantzun duzue zuzen oraingo honetan, eskerrik asko zuen parte hartzeagatik!

 


Montsek lagundu zigun irabazlea aukeratzen eta sariduna izan da Gonzalo Puente, hamaiketako ederra hartu du Kai Alde tabernan, 
zorionak irabazleari eta eskerrik asko Kai Alde tabernari!



Argazkian Gonzalo Puente Gotzon Garitaonaindia euskaltegiko bere taldearekin Kai Alde tabernaren aurrean.


Non topa ditzakezue buletinak?
Liburutegian, kultura etxean, euskaltegietan, hizkuntza eskolan, udaletxean... Hurrengoa urtarrilekoa izango da, animatu eta parte hartu!

2011/10/14

Azaroan antolatu dogu..






BITXIGINTZA IKASTAROA

Paparreko orratzak egiten ikasteko bitxigintza ikastaroa antolatu dugu. Ikastaroan parte hartzeko, aurretiz izena eman behar izan da.
Monitorea: Montse Alonso


Azaroaren 25eko tailerran berbalagunok ikasi dugu honelako brotxe ederrak hasiera hasieratik egiten, bakoitzak berarena.

Montsek materiala prest zeukan eta partaide bakoitzaren esku geratu zen kolorea aukeratzea. Guztira 15 izan dira.

Ordua baino lehenago egon ginen lanean, ikusten den moduan seiak puntu puntuan bagenekien nondik hasi.


Ez da izan zeregin erreza, eskerrak Montseren azalpen eta laguntzari!


Baten batek bi bider egin behar izan du orratza, hegoak tenkatzeko, baina zortzietako bueltan berbalagun guztiek euren brotxe amaituta eraman dute etxera, bai elegante ere!



Joan aurretik eskatu diegu ekintza honen balorazioa honako galdetegitxo hau erabiliz:



Eta haien erantzunen laburpena da:

Batazbesteko, zerotik hamarrera bedertzi puntu baino gehiago eman diote ikastaroari. Hobeen baloratu dena materiala izan da eta orokorrean oso balorazio ona izan da. Partaide guztiek erantzun dute prest egongo direla hurrengo ikastaro baten parte hartzeko eta haien proposamenak zentzu hortan izan dira:

  • Narrozko tailerren bat, belarrikoak, eskumuturrekoak, beste lepoko mota…
  • Belarritakoak, eraztunak… nahiz eta guk ordaindu behar material guztia etorriko nintzateke
  • Ikastaro gehiago antolatu behar duzue: bitxigintza, postalak egiteko eskulanak…
  • Artisautza eta holakoak antolatu.
MILA ESKER GUZTIEI

2011/10/12

Aurtengo berbataldeak

Animatu parte hartzen, talde hauetan edo sor daitekeen besteren baten, zuon zain gaude...

2011/09/23

2011-2012 ikasturtea






etorri zeu ere izena ematera, eskuorria bete eta geuk deituko dizugu hitzordua adosteko eta zalantza guztiak argitzeko



Jar zaitezte gurekin harremanetan:

  • Aek euskaltegia: 609 462 018
  • Gotzon Garitaonaindia: 688 651 491
  • Hizkuntza Eskola: 94 618 70 91
  • Udaleko Euskera Saila: 94 617 91 22

bermeoberba@gmail.com
Bermeoko berbalagun








Kanpaina berria abian dago Atsegin dut! lemapean. Horrenbestez, 11-12 ikasturtean mintzapraktika programa batean parte hartu nahi duten guztiek eman dezakete izena jada Euskal Herrian diren 90tik gorako egitasmoren batean. Mintzapraktika programetan edozeinek har dezake parte, berdin dio euskaldun zaharra, euskaltegiko ikasle ohia edo euskaltegiko ikaslea izan. Kanpaina honetan azpimarratu nahi dena zera da; euskara harreman sareak sortzeko tresna ere badela. "Atsegin dut!" esamoldea interneteko sare sozialekin lotzen dugu nahitaez. Baina sare sozial birtual hauetaz gain, euskara praktikatzea aurrez aurreko harreman sareak sortzeko era egoki bat izan daiteke. Benetako sare sozialak, alegia. Atsegin duzu?


Azken aldian denon ahotan dabiltza interneteko sare sozialak. Harreman sare birtual horien balioa eta beharra ez dugu guk zalantzan jarriko, guk ere erabiltzen ditugu, baina egitako sare sozialak, aurrez aurreko harreman sareak, atsegin badituzu eta gainera euskara praktikatuz eraiki nahi badituzu, ez duzu inon ezer klikatu behar; eman izena Euskal Herrian diren 90tik gorako egitasmoren batean.

Mintzapraktika programa euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzean datza. Hori dela eta, Euskal Herriko lurralde guztietako hiri, herri eta auzoetan hainbat dira martxan dauden mintzapraktika programak. Egitasmoetako partaideek EHUko kredituak eskuratu ahal dituzte, bidaia eta egonaldietarako deskontuak, AIZU! eta berria merkeago, eta beste hainbat abantaila.

2011/06/15

Esan diguzue zelan sentitzen zareten



Galdetegiak jaso ditugu
, taldeetan eta antolatu ditugun ekintzeetan zelan sentitu zareten jakitzeko. Zuen iradokizun eta proposamenak be oso garrantzitsuak dira hurrengo urteari begira ahalik eta eskaintza egokiena luzatu ahal izateko. Hona hemen esan diguzuenaren laburpena:






ESKERRIK ASKO GUZTIEI!! ;)


2011/06/10

Laugarren buletineko lehiaketaren irabazlea











Oraingo honetan
irabazlea da

Yolanda Rodriguez

eta bere Aek-ko taldea, ekainaren hamarrean
hamaiketakoa hartu dute Beleza Malandra taberna berrian, goizeko hamaiketan geratu dira bertan eta oso gustura egon dira kafetxoa eta tortilla zati ederra jaten.





Ez dakizue zein den BELEZA MALANDRA, Ateneo Kulturala?

Erremedio kalean (9), nahi duzuenean deitu

94 4 65 55 83

Ane eukiko duzue han eta etxeko moduan egongo zarete, badago zer irakurri eta zertan entretenitu, benetan aukera ona!

ESKERRIK ASKO ANE!


Eskerrik asko be lehiaketan parte hartu duzuenoi, 26 buletin jaso ditugu guztira erantzun zuzenekin.

Hurrengo buletina uda pasa eta gero izango dugu, hau ez da azkena!


2011/06/09

Hasi gara udako plana egiten...


Zeuon planak konta eiguzue, geurekin kontaktatu zuek nahi duzuenerako:

bermeoberba@gmail.com

2011/06/01

Sendabelarrak ezagutzera

Babeslea: Bermeoko Udala, Euskera Saila.

Laguntzailea: Sollube 707

Antolatzailea: Bermeoko Berbalagun.




Egun ederra izan da, talde majo batu gara, adin guztietako berbalagunak, eta oso puntual egon gara Taraskan goizeko hamarretan.

Lehenengo eta behin liburutxoa banatu dugu eta Garbiñek etxetik ekarritako iodo-belarra, ibilbidean zehar zaila dena topatzen, ezagutu dugu.

Bidegorrian bertan aurreikusitako sendabelarrak eta hainbat gehiago topa ditugu Garbiñeri esker, berak pazientzia handirekin azalpen guztiak eman dizkigu ta: izena, erabilera, sasoia batzeko, zertarako erabiltzen den... benetan aditua Garbiñe!

Berak erakutsi digu etxetik hurre dauzkagula sendabelar erabilienak eta esan beharra dago eguraldiak be lagundu digula. Adi adi egon gara guztiok zehaztasun guztiak liburutxuan apuntatzen...

Hamaika eta erdiak pasata kiroldegitik gora joan gara eta erabaki dugu Arenen bertan ibilbidea osatzea gehiagorik luzatu gabe, berbalagun mendizaleenak Agarrerantz egin dute eta gehienok bidegorritik herrira berriro.

Oso gustura igaro dugu goiza eta Andra Mariak pasa eta gero honelako irteera antolatuko dugula agindu dugu, Garbiñek be esan digu prest dagoela hurrengo baterako eta berak etxean sendabelarrekin prestatutako krema oparitu digu gainera!


Oraingo honetan ibilbidea labur geratu zaigunez pentsatu dugu mendi irteera antolatzea be, Sabinok proposatu digu Bermeoko ibaien bideak jarraitzea, Artike ibaiarena adibidez, Sollubetik herrira, ez da plan txarra....

ESKERRIK ASKO GARBIÑE ETA SABINO ;)



Berbalagunok, uda osoa daukazue honelako planak eta beste batzuk proposatzeko, gustura egon gara ta!

2011/05/04

Martxoko ibilbidea


Martxoaren 20an mendi irteera egin genuen Bermeoko auzo batzuetatik zehar. Ibilaldia egiteko 13 berbalagunok batu ginen eta goiz polita pasatu genuen elkarrekin.


Eskerrik asko Sollube 707 mendi taldeko kideei eta batez ere Davidi!!