Udaberriko lehiaketaren erantzunak eta sariduna

 

Pasa den ostiralean jaso zuen Amaia Apraizek udaberriko lehiaketaren saria: Errigorako lote beltza, Korrikako katilua eta Praktikatu oparien sortatxoa, zorionak Amaia!

Inoizkorik parte hartze handiena izan da udaberriko lehiaketa honetan, 109 erantzun egon dira, mila esker parte hartu duzuen guztiei, udazkenekoan espero zaituztegu berriro.

Honako hauek izan dira erantzun zuzenak:  

1.- Lotu hasiera amaierarekin, bere zenbakia idatziz:

1. Ez da surik ke gaberik.

2. Hogei astez kuku, San Pedrotan mutu.

3. Urruneko eltzea urrez, gerturatu orduko lurrez.

4. Gutxi ikasia, beti jakintsu.

5. Mando merkea, nagusiaren nekea.

6. Errementariaren etxean, zotza burruntzi.

7. Asko balio du indarrak, gehiago buru azkarrak.

2.- Zein bermeotar da Hizkuntz Eskubideen Behatokiaren zuzendaria? Agurne Gaubeka.

3.- Arene kiroldegiko igerilekuan dagoen horma-irudia berriztu da martxoan. Zein da bere izena? Bizipoza. 

4.- Non nahiago duzu igeri egin, igerilekuan edo itsasoan? Gehien-gehienek nahiago duzue itsasoan igeri egin, igerilekuan baino.

Uztailaren bian irteera

Ekainaren lauan azkenean irteera bertan behera utzi behar izan genuen eguraldiagatik, abisu horian egon ginen-eta. Baina ez kezkatu, atzerapena baino ez da izan, uztailaren bian joango gara Busturira trenez eta handik Bermeora etorriko gara oinez, udan ere euskaraz seguru!

Udako taldea: azken egunak izena emateko!

 

Etzi amaituko da epea izena emateko, ez pentsatu lar eta apuntatu udako taldean: lameran geratuko gara arratsaldeko zazpi eta erdietatik zortzi eta erdietara arte asteartero.

Lehenengo eguna uztailaren 13a izango da, Izaro aurrean. Guk euskaraz seguru, udan ere!

Irteera urtea ondo amaitzeko

Ekainaren 4an Axpera joango gara trenez, geltokian geratuko gara 9:30ean eta Axpeko geltokitik Bermeora oinez etorriko gara, talde txikietan, eguerdira arte. Gure erritmora ibiliko gara, inolako presarik gabe, urtea ondo amaitzeko. Ezinbestekoa da izena ematea (607 609 580), guk euskaraz seguru, udan ere!

Udako taldea

 

Laster amaituko da ikasturtea eta hasi gara pentsatzen zer egin udan, ezta? Euskaraz hitz egiten jarraitzeko asmoa baduzue, eman izena udako berbalagun talderako, zuek aukeratu asteko eguna eta ordutegia. Betiko moduan, taldea astean behin elkartuko da, doan, paseo bat emateko euskaraz, hurrengo ikasturtea hasi arte.

Guk euskaraz seguru, udan ere!

Udaberriko lehiaketa

 

Udaberriko lehiaketan parte hartu nahi? Azken eguna 21a izango da, datorren asteko ostirala. Oso erraza da, lau galdera erraz-errazak erantzun eta Errigorako produktuen lote baten zozketan sartuko zarete zuzenean, besterik egin gabe. 24tik aurrera jakinaraziko dugu sariduna nor den (ez ahaztu zuen datuak idazten, telefonoa edota e-posta), baita erantzun zuzenak ere.

 Guk euskaraz seguru!

Egunean Behin: berriro!

Ikasturte honetako azken denboraldia hasi da gaur eta badakizue zer egin behar duzuen, aurreko denboraldietan bezala  giltza sartu eta gurekin jolastu: 647CE2, guk euskaraz seguru!

Zer deritzozue?

2020-2021eko ikasturtean izena eman duzue berbalagunen eta orain zuen iritzia ezagutu nahiko genuke: hartu, mesedez, bi minutu inkesta labur hau erantzuteko eta erantzuten duzuenon artean 20 opari kutxa zozketatuko ditugu. 🎁https://labur.eus/z0VMg
 

Eskerrik asko!

"Non dago Mikel?" ikusteko sarrerak

 

Non dago Mikel? dokumentala ikusteko sei sarrera zozketatuko ditugu interesdun guztien artean; horretarako, zuen izen abizenak bidali behar dituzue whatsappez zenbaki honetara: 607 609 580, ostirala baino lehen. Apirilaren 10, 11 edo 12an, Nestor Basterretxean ikusteko aukera izango duzue, guk euskaraz seguru!

Argazkiak eta tertulia: astelehenean azken saioa

 Pasa den ostiralean sei lagun elkartu ginen Euskal Gunean oso giro onean Bermeoko argazkiak ikusteko eta tertulian komentatzeko zelan aldatu den herria, bizimodua, ohiturak... Aste honetan Demiku elkarteko lokalean beste bost lagun elkartu ginen tertulia berean aritzeko, baina gehiagorako gogoz geratu ginen eta hurrengo astelehenean jarraituko dugu hirugarren eta azken saioan, leku berean, Demiku elkarteko lokalean, arratsaldeko sei eta erdietatik zazpi eta erdietara.

Interesa izanez gero, izena eman behar da 607 609 580 zenbakian, sei laguneko aforoa baitago. Izena emateko azken eguna: bihar, martxoaren 18an, arratsaldeko zortzietan. Guk euskaraz seguru!

 OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Neguko lehiaketa: erantzunak eta sariduna

 Pasa den astean entregatu genizkion Errigorako otzara, Korrikako katilua eta Praktikatu oparitxoak neguko lehiaketaren saridunari, Irune Perezi, zorionak!!

Jaso ditugu 121 erantzun, mila esker parte hartu duzuen guztiei! Honako hauek izan dira erantzun zuzenak:

1. Lotu hasiera amaierarekin, bere zenbakia idatziz:

1.-Esana da erraz, eta egina garratz

2.- Esanetik eginera, handia beti galera

3.- Hil eta gero, salda bero

4.- Berba handiak, ezkurrak txikiak

5.- Zuri guztiak, ez dira irinak

6.- Egarri dagoenari, ur lohirik ez

7.- Dagoenean bonbon, ez dagoenean hor konpon 

2. Kantaren arabera, zer saltzen zen txakur txiki baten? 

Saltzen, saltzen, txakur txiki baten...karamelua

 

3. Noiz izango da 22. Korrika? 2022an

4. Zein nahiago duzu, aiezko edo ogizko tostada? Gehienek ogizko tostada aukeratu duzue, baina ez zarete gutxi izan biak aukeratuko zenituzketenak.

 

Gogoratu udaberriko lehiaketa maiatzaren 10etik 21era izango dugula, emango dizuegu horren berri, guk euskaraz seguru!

 OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Argazkiak eta tertulia etzi 17:00etan

Pasa den urtarrilaren 29rako aurreikusi genuen tertulia atzeratu genuen osasun egoera zela-eta. Zorionez, aste honetan egiteko aukera dago osasun neurri guztiak errespetatuz, beraz, etzi elkartuko gara Euskal Gunean arratsaldeko bostetan, 10 laguneko aforoa kontuan hartuz.

Bermeoko argazkiak ikusiko ditugu pantailan, lehengo eta oraingo Bermeori buruzko tertulia atseginean arratsaldea pasatzeko. Parte hartzeko, ezinbestekoa da izena aldez aurretik ematea telefono zenbaki honetan: 607 609 580.

2021ean, guk euskaraz seguru!

 

 OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

"Dardara" dokumentala: sarreren zozketa

 

Martxoaren 20,21 eta 22an, "Dardara" Berri Txarrak taldearen dokumentala  (12 urtetik gorakoentzako filma) estreinatuko da Bermeoko Nestor Basterretxea aretoan eta 6 sarrera zozketatuko ditugu berbalagunen artean. 

Zozketan parte hartzeko, bidali mezu bat 607 609 580 zenbakira edo bermeoberba@gmail.com helbidera. Guk euskaraz seguru!

OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Plateretik baratzera: Errigora

  https://youtu.be/k0_E-NTNEf0

Martxoaren 24ra arte Nafarroa hegoaldeko:

oliba-olio birjina estra,
🥫kontserbak,
🍚arroza edo
🍝pasta

eskatzeko aukera dugu, ekoizlearen jatorrizko prezioan. Elikadura-burujabetzara bidea gure plateretik has daiteke; bestela kontsumitu, bestela ekoizteko. Guk euskaraz seguru!

ℹ️ Informazioa eta eskaerak:
https://labur.eus/errigora-ep21

Egunean Behin gurekin

 Giltza sartu eta gurekin jolastu Egunean Behin: 647CE2, guk euskaraz seguru!

 OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Neguko lehiaketa 2021

Gaurtik hilaren 19ra neguko lehiaketa antolatu dugu: arin erantzuteko lau galdera baino ez, momentu batean erantzungo dituzue. Jasotako erantzun guztien artean zozketatuko ditugu Errigorako produktuen lote beltza eta Korrikaren katilua, berarekin batera. Otsailaren 22tik aurrera argitaratuko ditugu erantzun zuzenak blog honetan, baita sariaren irabazlea nor den ere.

Zelan parte hartu? Modu askotan:

- Behako formularioa bete eta bidali botoia sakatu (ez ahaztu kontakturako zuen datuak idazten).

- Formularioa ireki eta bidali, helbide honetan: https://forms.gle/HvQ3LPQMrtXo47aH9

- Orria bete (.pdf) eta bidali bermeoberba@gmail.com helbidera. Deskargatzeko, klikatu hemen +

- Bermeon, zer? kultura agendan aurkituko duzuen lehiaketako orria bete, argazkia atera eta argazki hori bidali guri 607 609 580 zenbakira, whatsappera, edo bermeoberba@gmail.com korreo helbidera.

- Euskal gunean edo Hizkuntza Eskolan aurkituko duzue lehiaketarako orri bera, bete eta han entregatu. Euskal gunean, ate postan, berbalaguneko buzoian bertan sartu, edo bestela zuen irakasleari eman. Euskal guneko helbidea: Atalde 17, behea.

- Berbalagun taldeetan eskatu orria, hurbildu talderen batera edo taldekideren bati eman, gero dinamizatzaileari helarazteko.

Gogoratu ez dela zertan berbataldekidea izan lehiaketan parte hartzeko, animatu ingurukoak parte hartzen, guk euskaraz seguru!

OHARRA: Mintzapraktika taldeetan, eta antolatzen ditugun ekintza guztietan, segurtasun neurriak bermatuta daude, eta era berean COVID19rako protokoloa aplikatzen dugu.

Argazkiak eta tertulia martxoaren 12an

Ostiral honetan aurreikusita zegoen ekintza atzeratuko dugu martxoaren 12ra, leku eta ordu berean: herriko argazkiak ikusiko ditugu, zaharrak eta berriak, gero tertulian egoteko euskaraz seguru!

Hasiko gara...euskaraz seguru!

 

Gaurtik aurrera berriro elkartuko dira taldeak, segurtasun neurriak betez eta gehienez sei lagun taldeko. Orain arte ez baduzu izena eman, bete formularioa eta deituko dizugu eguna eta ordua adosteko. Gurekin euskaraz seguru!

Gogoratu hainbat abantaila daukazula parte hartze hutsagatik, etorri, parte hartu eta euskaraz bizi!