Pasa den ostiralean liburutegia hobeto ezagutzera joan ginen, Belenek azaldu zigun harreragunean non egon zen liburutegia oraingo eraikinean egon aurretik eta umeentzako txokoa ikusi genuen lehenik eta behin.Jarraian bisitatu genituen liburutegiko atal guztiak solairuz solairu, hemeroteka, ikus-entzunezkoak... Belenek azaldu zigun zein den ordena, haien lana liburuzain moduan, zelan eskatu nahi duguna, baita ez dakigunean zer eskatu ere!
Asko gustatu zitzaigun Bermeori buruzko gunea, atera genituen Akatz aldizkariak (2004 urtetik aurrera ez da gehiagorik argitaratu) eta Bermeoko hizkera lantzen duen liburuak. Taldekoak bertan hasi ziren irakurtzen baina hobeto pentsatu eta gero etxerako eramatea erabaki zuten.
Azken sorpresatxoa laugarren solairuan egon zen, aspalditik erabiltzen ez den makina Belenek matxan jarri zuenean.... oso arratsalde interesgarria izan zen, eskerrik asko Belen!
No comments:
Post a Comment